ជំហានថ្មីសម្រាប់ ក្រុមសិល្បៈអភិវឌ្ឍន៍

សមាជិក ៤នាក់ របស់ក្រុម សិល្បៈអភិវឌ្ឍន៍ ត្រូវបានជ្រើសរើសជាអ្នករាំ របាំសហសម័យអាជីពប្រចាំកម្មវិធី បាមប៊ូ ស្រ្ទីច (Bamboo Stretch Project) ដឹកនាំ ដោយលោក ប៉ប់ រ៉ូស៊ែនដាល (Bob Ruijzendaal) និង លោក នីក ខូហ្វៀល (Nick Coffill) ។

សមាជិក ៤នាក់ របស់ក្រុមសិល្បៈអភិវឌ្ឍន៍ ត្រូវបានជ្រើសរើសជាអ្នករាំ របាំសហសម័យអាជីពប្រចាំកម្មវិធី បាមប៊ូ ស្រ្ទីច (Bamboo Stretch Project) ដឹកនាំ ដោយលោក ប៉ប់ រ៉ូស៊ែនដាល (Bob Ruijzendaal) និង លោក នីក ខូហ្វៀល (Nick Coffill) ។ ចាន់ ណា គន់ ស្រីណុច គង់ សឿនវ៉ា សួន ស្រីនីត និងអ្នករាំដទៃទៀត នឹងធ្វើការសម្តែងជាបន្តបន្ទាប់នៅខេត្ត សៀម រាប​ នៅ​តាមសួនច្បារឯកជន សណ្ឋាគារផ្កាយប្រាំ មូលដ្ឋាននានាក្នុងស្រុក និងនៅទីធ្លាតំបន់អង្គរ ។ ក្រុមសម្តែងទាំងអស់នឹងផ្តល់ជូននូវទស្សនីយភាពរបាំសហសម័យ ដោយមានក្បាច់ប្រពៃណីខ្មែរជាមូលដ្ឋាន ។

ក្រុមសិល្បៈអភិវឌ្ឍន៍ ត្រូវបានបង្កើតឡើងក្នុងនាមជាផ្នែកមួយនៃ សមាគមន៍យុវជនសិល្បៈខ្មែរ របស់សិល្បៈខ្មែរអមតៈ ដែលបានសហការជាមួយ ស៊ី.អាយ.អេ.អាយ CIAI (Centro Italiano Aiuti all’Infanzia) និងសាលាសិល្បៈផ្សេងៗទៀតក្នុងខេត្តសៀម រាប ក្នុងគោលបំណងជួយដល់សិស្សដែលបានបញ្ចប់ការសិក្សានៅសាលាសិល្បៈទាំងអស់

ដែលមានបំណងពង្រឹងសមត្ថភាពរបស់ពួកគេ ឲ្យក្លាយជាអ្នកជំនាញអាជីពសិល្បៈ ។ សកម្មភាពជាច្រើនដែលពួកគេបានធ្វើ រួមមានដំណើរទស្សនកិច្ចទៅកាន់អង្គការសិល្បៈនានាក្នុងព្រះរាជាណាចក្រកម្ពុជា ចូលរួមវគ្គសិក្ខាសាលាពង្រឹង និងអភិវឌ្ឍសមត្ថភាពសម្តែង និងវគ្គបណ្តុះបណ្តាលការយល់ដឹងអំពីច្បាប់ និងកាតព្វកិច្ចនៃសិទ្ធិមនុស្ស ។

សិល្បៈខ្មែរអតមៈមានសេចក្តីសោមន្សរីករាយ ចំពោះការសហការថ្មីនេះ ដែលវាគឺជាឱកាសផ្តល់ការងារដ៏ល្អ សម្រាប់សិល្បករសិល្បការិនីជំនាន់​ថ្មី​របស់យើង ។